ጅማ ዩኒቨርሲቲ ለአፍሪካ ቀንድ አጎራባች ሀገራት ስልጠና ሰጠ

Yunvarsiitiin Jimmaa biyyoota naannawa Gaanfa Aaafrikaatiiff leenjii kenne.

Yunvarsiitii Jimmaa, Hagayya12, 2013

************************************

Leenjichi wirtuu qorannoo dhibeewwan tiroopikaalii fi daddarboo Yunvarsiitii Jimmaatti bookewwan dhibee busaa dabarsan wajjin walqabatee hubannoo tuujii kennuuf kan gargaarudha jedhame.

Wirtuu qorannoo leenjii Aanaa Sokorruu naannawa hidha Gigilgil Gibeetti kennamaa jiru irratti ogeessoonni fayyaa biyyoota Gaanfa Aafrikaa, ollaa Itoophiyaa ta’an kan akka Kaabaa fi Kibba Yaman, Puuntlaandii fi Rippaabiliikiii Federaalawaa Somaaliyaa irraa dhuafan hirmaachaa jiru.

Ittigaafatamaan wirtuu qorannoo dhibeewwan tiroopikaalii fi daddarboo, Piroofeesar Dilnassawu Yahuwaalawu akka ibsanitti, kaayyoon leenjichaa ilbiisota dhibee busaa fidan ilaalchisee beekkumsa teeknoolojiin deeggaramee fi dandeettii ammayyaa kennuudha jedhame. Akka ibsa Piroofeesar Dilnassawutti Itoophiyaatti sanyiiwwan ilbiisotaa 47 yoo jiraatan isaan keessaa 5 dhibee busaa daddabarsu.

Leenjiin yaadrimee fi gochaan deeggaramee kan laatamu yoo ta’u wirtichi meeshaalee qorannoo ammayyaa barbaachisan kan qabatee fi biyyoota Aafrikaa birootifis leenjii fi tajaajila walfakkaataa kan kennuu danda’u ta’uunsaas ibsameera.

Leenjichi walta’iinsa Yunvarsiitii Jimmaa fi AHRI kan kan qindaa’e yoo ta’u, dhaabbata fayyaa addunyaa (WHO), ERMO fi PMI kan deeggarameedha. Leenjin kun guyyoota sadan ittaananiif kan ittifufuudha.