የኢትዮጵያ የሳይንስ ሽልማት

Badhaasa Saayinsii Itoophiyaa

Yunvarsiitii Jimmaa: Adoolessa 8/ 2013

**********************************

Badhaasni saayinsii adeemsa saayinsii waliigalaa qabatamaa taasisuuf, jireenya uummata keenyaa geeddaruuf karoorfame ifa ta’e. Argannoo badhaasa saayinsii “Dhalootan Itoophiyaa, muldhataan Aafrikaa”, jedhamu filatameef doolara kuma 100tu qoophaa’e.

Badhaasichi konveenshinii qorannoo saayinsii, teeknoolojii fi hidhata indastirii dhaabbilee barnoota olaanoo, akka Itoophiyaatti yeroo duraaf gaggeeffamaa jiru kan guyyaa shanaffaasaa qabate irratti ifoome.

Badhaasni saayinsii Itoophiyaa A.L.A. bara 2022tti yeroo jalqabaaf kennama jedhameera. Badhaasichi moggaasa badhaasa saayinsii Itoophiyaa qabatee waggaa waggaan kan adeemsifamu yoo ta’u, beekkumsa gadifagoo fi duudhaalee uummatoota biyyaa ofkeessatti yoo hammate qofaadha.

Yunvarsiitii Jimmaa dabalatee dhaabbileen barnoota olaanoo bu’aalee kalaqaa saayinsii fi teeknooolojii, beekkumsa duudhaalee uummatoota biyyaa wajjin walitti hidhuun Itoophiyaafis ta’ee Aafrikaaf guddina hunda hammataa fiduuf waan irraa eegamu raawwachuuf jabaatanii hojjachuuu qabu jedhame.

Abbaa kalaqaa lammi Itoophiyaa ta’e filachuuf, aragannoon saayinsii maqaa Itoophiyaatin kan qindaa’e, qulqullina olaanaa kan qabu, aragannoowwan saayinsii biroorra kan hin waraabamne ta’uu fi ulaagaaleen dorgommii kan biroo kaa’amaniiru. Boordiin badhaasa saayinsii Itoophiyaa hoogganu dhaabbachuun aragannoowwan saayinsii filachuu irraa kaasee hanga sirna raawwii badhaasaa waliigalaatti ni gaggeessa jedhame.